ماخذتني سارقتني ناهبتني عيب عيب

بســمـ الله الرحمن الرحيم ’,

هكذا هو ديدن القلوب تلعب على الوتر الحساس بقلوبنا

و ها هي إحدى معزوفاتي السابقه أنا عبدالرحمن التميمي


تنحني لمعاليكم


’,
ما جرالي مو طبيعه ... شيء ما يوصف غريب ...
من هديرٍ للمشاعر ... للخرافات القديمهـ ...

بين حب و بين قلب .. و بين ضلعين المغيـب ...
و بين ورد و روح سرد و بين أوراقي النديمهـ ..

فلسفله جدا غريبه ... بعد جساس و كليب ...
فلسفه صعبهـ و تشغل كتلة أفكاري الهميمهـ ..

كيف بنتٍ في عيونهـ .. يجتمع برد و لهيب ...
و كيف عذرى عن سواها .. ماكله كل الوليمهـ ..

كل ما لدّيت عنها ... زادت النفحات طيب ...
و كـــل ما ردّيت أرجــع ... رجعةٍ عميا غشيمهـ ..

مدري ويش اللي سحرني كل ما فيها عجيب ..
هو حلاها .. هو غلاها .. هوبلاها زود قيمهـ ..؟؟!!

هو شعرها .. هو نحرها .. كل ما فيها رهيب ..!!
بنتٍ أطلق من لميس و من جميله و من حليمهـ ..

بنتٍ أروع من بنات الـكــون .. يا السهم الصويب ..
بنت فايقة الوصايف .. و يا عساها للغنيمهـ ..

و يا عسى عيني فداها .. كل ما فيني سليب ..
. و كل ما فيها حروب .. و كل ما فيني هزيمهـ ..

ماخذتني سارقتني ناهبتني .. ( عيب عيب )..
و ان حكت لبى حكيها و لا ضحكت فتنه عظيمهـ ..

في دلعها في ولعها في حياها ... أستطيب ...
لابسهـ تاج الحشيمهـ من على طبع الحشيمهـ ..

لو وصف فيها مهندس .. أو نطق فيها أديب ...
ما وصف ظلّ الحقيقه ... وصفها ياخي جريمهـ ..

ما لها حلٍّ و ( صعبهـ ) ... لو تبي رسم قريب ..
. حتى دافينشي لو أبدع عندها رسمه سقيمهـ ..


تمــــت .,’

بقلم :: عبدالرحمن التميمي